"Defendendo a Independencia de Timor-Leste"

"Defendendo a Independencia de Timor-Leste"

quinta-feira, 14 de junho de 2007

Komunikadu Imprensa - Se manan iha Eleisaun Parlamentar, FRETILIN Se Fo Servisu Ba Ema

Vota ba FRETILIN!
Eleisoens Parlamentares 2007

"Defende Timor-Leste ninia independénsia"


Komunikadu imprensa
14 Juñu 2007

Se manan iha Eleisaun Parlamentar, FRETILIN Se Fo Servisu Ba Ema
222.000 tinan-tinan


Governo FRETILIN maka halao programa servisu ba tempo badak desde
tinan kotuk nia laran liu husi programa Servi Nasaun. Ema koñese
programa liu ho naran Programa dua dolar ($2). Tuir susesu husi nebe
Servi Nasaun hetan, governu FRETILIN hahu programa Servisu ba Dame.
Iha programa rua ne'e ema 91.000 resin hetan servisu ba semana rua (2)
iha distritus tomak iha Timor laran. Feto sira mos hetan servisu ho
total haat nulu (40%) porsentu inklui suku maskra, halo ai-sar no halo
sasan seluk.

Programa Servi Nasaun hahú kedas iha tempo emerjénsia nia laran no fo
servisu ba tempu badak ba ema nebe la iha servisu no vulneravel,
liu-liu ba foin sa'e, feto no deslokadu sira. Tuir dadus nebe
Ministério do Trabalho e Reinserção Comunitária (MTRC) foti kona ba
ema nebe servisu iha programa nee, ema 37.000 resin servisu, 48% maka
feto sira, 44% maka foin sa'e sira no 19% deslokadu sira. Husi total
nebe hetan servisu ba tempu badak, maioria maka desempregadu ka la iha
servisu, ho persentagem 78,4%.

Arsénio Bano, Ministru do Trabalhu i Reinsersaun Komunitaria, dehan
"Ita bele hare katak governu FRETILIN iha kbiit no kapabilidade atu fo
servisu iha tempo emerjensia. Tempu ne'e ema tauk atu sai husi sira
nia uma ka sira nia kampu deslokadu maibe ho programa nee, sira sente
brani ba servisu no hetan osan.

Programa nee dia teb-tebes tamba ema nebe presisa liu osan bele hetan
servisu no simu osan iha sira nia liman."

Tuir susesu nebe "Servi Nasaun" hetan, governu Fretilin toma desisaun
ba halao tan programa hanaran "Servisu ba Dame". Programa nee iha
diferensa uituan tamba inklui servisu tekniku. Tamba nee enjenheiru
sira sei toma konta programa nee tamba inklui projetu kiik hanesan
rehabilita kanal irigasaun, halo dalan, hamos valeta no selu-seluk
tan.

Iha programa nee Governu FRETILIN fo orsamentu rasik ho montante
$997.786 no fo empregu ba 28.000 tiha ona iha distritu hotu-hotu no
sei fo servisu ba ema nain 30.316 bainhira programa taka iha fulan
Julhu. Projeitu nee sei halao ba fulan ida tan.

"Oposisaun dehan katak programa $2 nia objetivu maka atu sosa votus,
maibe, tuir realidade iha rai laran, ita haré katak programa nee bele
hamenus konflitu tamba kiak sira bele hetan lalais osan no fo servisu
ba ita nia foin sa'e sira."

"Se FRETILIN manan karik programa 2 dollar nee se halo fulan-fulan atu
nunee bele fo servisu ba povo. FRETILIN hein katak ho experiensia nebe
iha ona, governo FRETILIN sei fo servisu ba ema 222.000 iha tinan
2007-2008. Iha tinan lima oin mai FRETILIN sei fo servisu ba Timor oan
besik 1.320.000 pessoas."

Partido FRETILIN planeia atu fornese orsamentu ho total $7.500.000 USD
ba tinan lima oin mai hodi kontinua programa ida nee no populasaun
tomak bele hetan servisu.

"Governu halao tiha programa cash-for-work iha tempu seluk hanesan iha
tempu mota sai iha Oekussi no iha planu atu fornese osan ba atividades
hanesan nee. Programa dua dolar mak hanesan parte ida iha tranzisaun
husi desempregadu ba servisu permanente no mos hanesan programa
trabalhu intensivu hodi desenvolve ita nia rain." Hatutan Bano.

Atu hetan tan informasaun, favór kontakta ho:
Arsenio Bano (+670) 733 9416 ka fretilin.media@gmail.com

www.timortruth.com, www.fretilin-rdtl.blogspot.com

Sem comentários: