FRENTE REVOLUCIONARIA DO TIMOR-LESTE INDEPENDENTE
FRETILIN
KOMUNIKADU IMPRENSA
Dili, 28 Juñu 2008
Sekretáriu Jeral FRETILIN nian, Dr Mari AlkAtiri fila hikas mai ona Timor Leste, sabadu kotuk hafoin halo vizita semana lima ba Europa, Áfrika no Amérika.
Iha konferénsia imprensa halo iha sede partidu nian iha Komoro, Dr. Alkatiri explika katak delegasaun FRETILI lao lemorai, la'os atu fasi roupa foer uma laran nian. Sira husu komunidade international atu continua tulun nafatin Timor-Leste. La'os atu fó osan deit maibé tenke halo mo'os fiskalizasaun ba programas ne'ebé halao ho osan ne'ebé Timor-Leste simu hosi komunidade internasional.
Dr. Alkatiri esklarese katak nia la simu premiu iha Amérika, maibé, simu elojiu bo'ot no hosi ema barak kona ba Fundu Minarai ne'eb hari iha tempu I Governu Konstusional ne'ebé nia rasik lidera.
Kona ba orsamentu rectifikativu ne'ebé Governu ható ba Parlamentu Nasional, ne'ebé a'as liu Orsamentu Jeral de Estadu ba tinan 2008, Dr. Alkatiri hatete : "N'ee hanesan orjia do poder, halo nar'naran deit. Iha orsamentu retifikativu, governu hakarak mo'os hari'i Fundu estabilizasaun ekonómika, ne'ebé husu tokun rihun rua lima nulu , USD$250 milhoens. Dr Alkatiri dehak katak nia la konkorda tamba ne'e "inkonstutusional no la tuir orsamentu minimu. Governu la aprezenta justifikasaun ho programas konkretus ba fundu ne'e. Ida ne'e bele sai deit saku azul hanesan iha tempu Suharto nian. Fundu ne'e ba duni estabilizasaun ekonomika ka bele sai fali fundu ba instabilizasaun polítika?", Dr. Alkatiri husu.
Kona ba presus ne'ebé aumenta ba bei'beik Dr. Alkatiri hatete: " Governu tenki hola medidas urjentes ho tempu badak tebes. La'os fó deit subsídiu. Tenke aumenta produsaun, aumenta servisu, hanoin ba agrikulturam, peskas, atividade lor'loron povu nian, reforsa saúde, edukasaun, trasnporte, ligasaun agrikultura ho komérsiu. La'os aumenta dependénsia povu ba subsídiu. Ne'e la'os governasaun".
Kona ba presus ne'ebé aumenta ba bei'beik Dr. Alkatiri hatete: " Governu tenki hola medidas urjentes ho tempu badak tebes. La'os fó deit subsídiu. Tenke aumenta produsaun, aumenta servisu, hanoin ba agrikulturam, peskas, atividade lor'loron povu nian, reforsa saúde, edukasaun, trasnporte, ligasaun agrikultura ho komérsiu. La'os aumenta dependénsia povu ba subsídiu. Ne'e la'os governasaun".
Bainhira Dr. Alkatiri hetan ho MCC – Milenniun Challenge Corporation, iha Amérika, sira hatete ba nia katak iha 2006, Timor-Leste avansadu ba simu apoiu hosi MCC, maibé, falha deit maka iha kritériu konsulta popular, la'os tamba iha korupsaun.
Ba mo'os konferénsia ne'e, Prezidenti ASDT, Sr. Franscisco Xavier, Prezidenti Kota, Sr. Manuel Tilman no Reprezentante Prezidenti PPT nian.
Iha sira nain rua nia diskursu sira hatete katak sira hakarak tanen Tilor-Leste no hamo'os korupsaun.
Militantes no simpatizantes FRETILIN hatudu sábadu kotuk katak sira hadomi no iha respeito ba Dr. Alkatiri núdar Sekretáriu Jeral FRETILIN nian no núdar líder istótiku partidu FRETILIN nian ne'ebé sei importante nafatin ba futuru partidu nian no mo'os ba Timor-Leste.
Kontaktu: José Teixeira, tel 727 7080
_______________________________________________________________________
Nota adisional: Enkontrus halo iha Amérika: Dr. Alkatiri no José Teixeira, deputadu FRETILIN nian, no eis Ministru Rekursus Naturais, hetan malu ho responsáveis hanesan Sr. Christopher Hill, Asistente Sekretáriu Estadu, Sr. Scott Marciel, Secretáriu-Adjuntu ba Ázia-Pasífiku no Sr. David Price, Prezidenti Komité Demokrasia nian hosi Kaza Reprezentantes nian responsáveis, Nia mo'os hetan funsionárius hosi "United States Agency for International Development", "National Democratic Institute for International Affairs" , " International Republican Institute", "Millennium Challenge Corporation", "Peterson Institute for International Economic Development" no Banco Mundial.
