Vota ba FRETILIN!
Eleisoens Parlamentares 2007
"Defende Timor-Leste ninia independénsia"
Komunikadu imprensa
14 Juñu 2007
Prezidente Ramos Horta fo parabéns FRETILIN tamba respeita demokrasia
Prezidente da Repúblika, Dr. José Ramos-Horta fó-parabéns ba partidu
Fretilin tanba ninia esforsu atu "mantén pas" durante kampaña ba
eleisaun prezidensiál.
"Fretilin hatudu ninia maturidade no respeitu ba demokrasia Timór nian
hodi mantén kampaña ida ho dame no mós aseita rezultadu eleisaun
prezidensiál ida ne'e," Prezidente Ramos-Horta hatete iha enkontru ida
FRETILIN halo iha Dili iha loron 11 fulan Juñu tinan 2007.
"Ha'u fó parabéns ba FRETILIN ba ninia lideransa ba sira nia esforsu
hodi mantén pas durante eleisaun," Prezidente Ramos-Horta fó-sai iha
"diálogu" ne'ebé prezide hosi Sekretáriu Jerál FRETILIN Dr. Marii
Alkatiri, líder seniór FRETILIN nian balu ho membru governu sira.
"Durante ha'u nia vizita ba Indonézia ha'u informa ba Prezidente
Susilo Bambang Yudhoyono kona ba ezemplu boot ne'ebé FRETILIN ho ninia
lider sira fó durante, no mós depois de eleisaun prezidensiál," nia
dehan.
Dr. Alkatiri durante enkontru ne'e dehan katak FRETILIN prontu atu
servisu hamutuk ho Prezidente Ramos-Horta atu lori estabilidade mai
Timor-Leste no kontinua servisu nafatin ba dezenvolvimentu nasaun
nian.
"FRETILIN maka partidu úniku ne'ebé bele garantia respeitu ba
liberdade no soberania prezidente nasaun nian liu hosi kolaborasaun
hodi alkansa rezultadu boot liután iha dezenvolvimentu ho fó fatin ba
prezidente atu hala'o ninia servisu," Dr. Alkatiri hatete.
Dr. Alkatiri hatutan katak: "dezde krize ne'e komesa FRETILIN hatudu
nafatin toleránsia no mós hatudu katak nia iha vontade nafatin atu
kontribui ba solusaun krize ne'e, no lori filafali estabilidade ba
nasaun. Ami sei kontinua halo nafatin ida ne'e."
Atu hetan tan informasaun, favór kontakta ho:
Jose Teixeira (+670) 728 7080 (Dili)
www.timortruth.com, www.fretilin-rdtl.blogspot.com
Subscrever:
Enviar feedback (Atom)
Sem comentários:
Enviar um comentário