Komunikadu Imprensa - Fretilin Promete Subsidio Eskolar no Bolso Estudo ba estudantes Timor-Leste

Vota ba FRETILIN!
Eleisaun Parlamentar 2007

Defende indpendensia Timor-Leste nian

Komunicado inprensa
13 Junhu 2007

Fretilin Promete Subsidio Eskolar no Bolso Estudo ba estudantes Timor-Leste

Timor-Leste hanesan nasaun foun ida ne'ebe iha fase desenvolvemento
iha area hotu-hotu, hanesan area : Edukasaun, Infrastutura,
Agrikultura, Saude no seluk tan.

Atu desenvolve nasaun hodi lao ba oin, partido FRETILIN ne'ebe hetan
fiar husi povo hodi kaer Primeiro Governo halao programa barak atu
desenvolve Nasaun Timor-Leste liu husi Rekursus Humanus.

Governo FRETILIN liu husi Ministerio do Trabalho e da Reinsersaun
Komunitaria (MTRC), Diresaun Nacional dos Servicos Sociais ( DNSS ),
Gabinete de Apoio aos Estudante e Formandos ( GAEF ), halao programa
fo Bolsu Estudo ba estudante hanesan Pre-secundaria, Secundaria,
Universidade no formandos, iha mos programa assistensia sosial escolar
ba comunidade geral no ba finalista universidade.

Governo Fretilin hahu Programa subsidio escolar no bolsa de estudo nee
iha tinan ida nee no konsege fo tulun ba 6.579 estudantes no
formandos, husi eskolas pre-sekundaria 1.050 estudantes, sekundaria
950 estudantes, Bolsa Estudo ba estudantes UNTL hamutuk 450 estduntes,
Formandos 950, Dificientes 100 estudantes, sira nebe estuda hela iha
rai liur 460 estudantes, no seluk nebe hetan tulun hanesan asistensia
sosial ba estudantes sira nebe maka halo teze hanesan finalistas iha
Universidades iha Timor no rai liur hamutuk 2.669 estudantes.

Orsamento nebe maka governo Fretilin uja tiha ona hamutuk $1.118.600
USD iha tinan fiskal 2006-2007.

Membro Komite Sentral Fretilin nian Arsenio Bano haktuir "Se povo sei
fo fiar nafatin ba FRETILIN hodi kaer Governo iha eleisaun 30 Junho,
FRETILIN sei aumenta numero estudantes nebe maka iha tiha ona ba
15.000 estudantes ba tinan-tinan durante tinan 5 nia laran. Numero
ida ne'e se inklui estudantes ne'ebe maka atu ba estuda iha rai liur."

Arsenio Bano haktuir tan katak "Alem estudantes sira laselu kaixa
eskola, iha eskola primaria balun estudantes sira han iha eskola loron
ida dala ida. Politika Fretilin atu lori povo nia oan sira sai matenek
no bele tulun povo timor sai husi kiak. Husi numero 15.000 estudantes
nebe maka Fretilin hakarak fo bolsa estudo no subsidio eskolar se
manan iha eleisaun parlamentar, 5.000 se fo ba veteranos no orfaun mai
husi funu resistensia nian, no 2.500 pessoas se fo tulun ba estudantes
sira nebe maka atu ba estuda iha rai liu".

Ho programa bolsu estudu ne'e Governo FRETILIN bele fo opurtunidade ba
ema atu desenvolve nasaun foun Timor-Leste liu husi rekursus humanus
ba ema Timor tomak liu-liu foin sae sira tanba sira maka futuru nasaun
nian.

Atu hetan Informasaun bele kontaktu:

Arsenio Bano (+670) 733 9416 (Dili) ou haruka email ba:
fretilin.media@gmail.com

www.timortruth.com, www.fretilin-rdtl.blogspot.com