Komunikadu Imprensa - FRETILIN halo komprimisu atu desenvolve suku sira

Vota ba FRETILIN!
Eleisaun Parlamentár 2007

"Defende independensia Timor-Leste nian"

Komunikadu de Imprensa
21 Juñu 2007

FRETILIN halo komprimisu atu desenvolve suku sira

FRETILIN nian Prezidenti, Francisco Guterres Lu Olo, orseik hahu
prosesu assina Akordu Pre-Eleitoral ho Konselhu Sukus tomak iha
Sub-distritu Venilale, Distritu Baucau entre FRETILIN no komunidade
sira neebe FRETILIN kopromete atu fo prioridade ba dezenvolvimentu ba
komunidade (aldeias no sukus sira), tuir prioridades ne'ebé povu
rasik hautudu. Akordu nee hahu asina iha Venilale ne´ebé sé tuir mos
iha distritu hotu-hotu iha rai tomak.

Lu Olo dehan: "FRETILIN hatene katak atu bele hetan dezenvolvimentu ho
ekilibriu (yang seimbang), no direitu hanesan ba ema hotu, entaun
tenki fo prioridade ba dezenvolvimentu iha komunidade hikas (iha
aldeai no suku sira), iha baze. Ida nee kondisaun bo'ot atu ita bele
hamate kia'ak. Tamba nee maka hodi loron kampaña hahu FRETILIN tu'un
ba halo dialogo ho base, ho militantes no simpatizantes iha sukus no
aldeias. Tuir mai sira fahe no rekolha formulariu neebe Povo hatama
sira nia nesesidades. Liu hosi nee FRETILIN bele halau ba oin ho
programas, planus no projektus dezenvolvimentu ho dadus neebe Povo
rasik maka hatudu sira nia prioridades".

"Depois de ramata levantamento nesesidades no prioridades hosi Suku
sira, Komite Sentral FRETILIN deklara iha akordu hirak nee ho Suku
sira katak, sé Povo fo fiar ba FRETILIN iha eleisaun loron 30 fulan
Juñu tinan 2007 no harii hikas governu, Governu FRETILIN sei hatama
iha planu dezenvolvimentu tinan lima nian, osan dólar rihun ruanulu
resin lima (US$25,000.00) to'o dólar rihun atus ida (US$100,000.00)
tintinan, hodi hatan ba prioridades neebe komunidade rasik iha suku
ida idak hato tiha ona liu hosi levantamentu ida neebe FRETILIN halo,"
Lu Olo dehan mos.

Tuir akordu nee FRETILIN deklara mos katak osan nee sei tau iha
orsamentu estadu liu husi Fundu Dezenvolvimentu Komunitariu no Fundu
seluk tan. Buat nee lau tuir politika FRETILIN nian neebe hakarak
halo dezenvolvimentu hahu hosi baze.

"Akordu ida nee atu hatudu ba Povo katak FRETILIN nia intensaun maka
atu rona no halo buat neebe Povo rasik hakarak. Ida nee mos sai nudar
hakat boot liu ida ba prosesu desentralizasaun ne'ebé responsável,
transparensia no neebe fo benefisiu direktu ba komunidade sira.
Projektus sira nee la liu hosi CV ka PT (kontratores), maibe
komunidade sira rasik mak halau gestaun, no ema iha komunidade rasik
mak halau servisu," dehan Lu Olo.

"FRETILIN haklaken iha kampaña ida nee: ‛Hosi Povo, Ho Povo, Ba Povo!'
Akordu hirak nee halo 'Hosi Povo, Ho Povo no ba Povo' nia benefisiu
duni. Ida nee hatudu katak FRETILIN deit mak rona no halo tuir Povo
ninia hakarak. Hosi tinan 2001 kedas FRETILIN tau prioridade makas ba
Edukasaun no Saúde tamba Povo rasik mak hato'o iha tinan 2001, liu
hosi konsulta publiku ho Povo atu halo Planu de Dezenvolvimentu
Nasional, katak hirak nee mak sira nia prioridades. FRETILIN sempre
preokupa atu halo tuir Povo nia hakarak, no hatan ba Povo nia
nesesidades, buat hirak nee tenki halo liu hosi planu, liu hosi
programa, liu hosi porjectu, liu hosi kompromissu. Laos pormeti lian
mamuk deit," Lu Olo ramata.

Hakarak hatene ta'an informasaun, bele dere arame ba:

José Teixeira (+670) 728 7080
www.timortruth.com, www.fretilin-rdtl.blogspot.com