Komunikadu Imprensa - FRETILIN fó sai kompromissu polítiku atu halao dezenvolvimentu ekonómiku nebe bazeia ba iha povu ninia nesesidades

Vota ba FRETILIN!
Eleisaun Parlamentár 2007

"Defende indpendensia Timor-Leste nian"

Komunikadu de Imprensa
22 Juñu 2007

FRETILIN fó sai kompromissu polítiku atu halao dezenvolvimentu ekonómiku nebe bazeia ba iha povu ninia nesesidades

Dezenvolvimentu infraestrtura nebe lais, dezenvolvimentu rurál no
medidas atu rezolve dezempregu jovens nian, ne'e mak inisiativa bo'ot
balu ne'ebé FRETILIN fó-sai ohin durante lansamentu FRETILIN ninia
kompromisu polítiku ba eleisaun parlamentár iha loron 30 de Juñu iha
Dili.

Estanislau da Silva, kandidatu ba Parlamentu nebe horas ne daudaun
kaer knar nudar Primeiru Minsitrune iha III Governu KOnstitusional,
dehan katak plataforma kompromisu politiku sei lori kresimentu
ekonómiku sae to'o, pelomenus 7%, iha termus reais, durante tinan
5 oin mai ne'e. Kompromisu ne'e hatutan no sei hadi'ak liu tan
polítikas sira ne'ebé governu FRETILIN halao tiha ona durante tinan 5
iha governu.

"Durante tinan 5 kotuk, Governu FRETILIN nian halao programas no
polítikas oioin ne'ebé harii ona plataforma ida ké forte ba kresimentu
ekonómiku sustentável," nia dehan.

"Kompromisu polítikau ida ne'e ható programa detalladu kona-ba
dezenvolvimentu ekonómiku no sei lori duni benefísius ba povu
Timor-Leste."
Estanislau da Silva dehan, pontu prinsipál ba FRETILIN nia programa ne'e maka:

* Dezenvolvimentu aseleradu infraestruturas iha área eletrisidade
nian, bee, estrada ho servisus públikus sira seluk

* Kontinua ho promosaun ba igualdade jéneru, katak mane no feto tenke
iha direitu hanesan; ba ida neé governu FRETILIN sei kria kondisoens
ba partisipasaun feto sira nian iha sosiedade, iha nivel sosiedade
hotu-hotu;

* Restrutura forsa polisia Timor-Leste nian, PNTL, no Ministériu
Interior hodi rezolve problemas sira ne'ebé mosu iha PNTL laran.
Governu FRETILIN sei hadiak leis no regulamentus ne'ebé regula PNTL
nia knaar;

* Aumenta apoiu orsamentál ba sistema judisiáriu no PNTL

* Hadi'ak kondisaun servisu F-FDTL nian no mós estrutura legál ne'ebé
regula atividade Forsas Defeza nian. Governu se fó mós apoiu maka'as
liu ba jestaun F-FDTL nian

* Sei halo formasaun hó orientasaun ba servisu, no fó bolsa atu bele
rezolve problema dezempregu foin sae sira nian;

* Sei fó kréditu rurál no hasae tan finasiamentu liu hosi Fundu
Dezenvolvimentu Komunitáriu atu haburas dezenvolvimentu rural ;

* Se fó insentivu atu bele lori investidores barak liu tan mai iha Timor-Leste;

* SEI dezenviolve politika habitasaun nian ba ema nebé kiak no moris
iha susar laran no mos sei halo abitasaun ba deslokadus sira;

* Sei estabelese postus polisiais no envolve komunidade iha atividades
polisiamentu atu bele hari hikas seguransa, lei no orden;

* Sei aumenta liu tan investimentu iha área edukasaun lori hadia
infra-estrutruras, hatama ekipamentu no f ó formasaun ba professores
sira;

* Se aumenta liu tan investimentus lori hadia no habelar
intra-estrutura saúde nian no servisus iha zonas rurais. Governu
FRETILIN mos sei hadia kondisaun servisu iha ospital nasional lori
nune fó kondisaun diak ba profesional saúde nian hodi bele halao
servisu diak no lós.

* SEI dezenvolve rede asistensia sosial ba ema kiak sira no mos fó
asistensia ba komunidade sira nebé vulnetrável.

* Sei promove indústria iha área agrikultura nian.

* Liu hosi instituisaun nebe iha ona, sei fó subsídiu ba veteranus sira.

Estanislau dehan katak "iha 1975 FRETILIN dehan ba povu tomak katak
loron ida Timor-Leste sei hetan duni ukun-rasik-an maibé laiha ema ida
maka fiar ita. Ami mós dehan ba povu katak independénsia ne'e la'ós
fasil no sei lori tempu. Ema barak maka uluk dehan katak
independénsia neé buat ida nebé mehi deit, maibe, FRETILIN prova katak
laós.

Ohin FRETILIN promete dala ida tan katak ita sei halakon kiak no lori
diak ba povu, maib'é, ita sei halo buat neé tuir dalan ida nebé
sustentável no tuir dalan ida nebé la kompromete ita nia independénsi
ekonómika no politika. FRETILIN iha ona programa atu halakon kiak,
FRETILIN hahú dadauk ona no sei hatutan ba oin nafatin, sei karik
FRETILIN manan iha eleisaun ida ne'e.

Atu hetan tan informasaun favór kontakta ho Jose Teixeira (+670) 728 7080
www.timortruth.com, www.fretilin-rdtl.blogspot.com