"Defendendo a Independencia de Timor-Leste"

"Defendendo a Independencia de Timor-Leste"

quinta-feira, 17 de maio de 2007

Komunikadu Imprensa - Fretilin esforsu eleisaun lao ho mo’os

FRENTE REVOLUCIONÁRIA DO TIMOR-LESTE INDEPENDENTE
FRETILIN

Komunikadu inprensa

18 Maiu 2007

Fretilin esforsu eleisaun lao ho mo’os

Fretilin utiliza ona nia poder maioria iha Parlamento Nasional atu halo amandamentu ba Lei Eleisaun Parlamentaria hanesan esforsu atu prevene aktividade intimidasaun ba votantes no sosa votos.

Amandamentu ne’ebé inklui mos penalti tama komarka no selu penalti bo’ot, ne’e ho objektivo “hamos tiha imajem negativo ne’ebé mak mosu durante eleisaun prezidensial no sempre kontra kandidatu Fretilin”, katak Deputado Francisco Branco, membru Komite Sentral no mos porta voz Fretilin, ohin.

"Wainhira Lu Olo hetan votos a’as iha primeiro ronde ba eleisaun prezidensial iha Abril, mosu alegasaun oin-oin kontra Fretilin dehan sosa votos no halo intimidasaun ba votantes sira, maibe la bazeia ba evidensia.”

Parlamento passa ona amandamentu, no hato’o husi Deputado Branco no mos membro Deputado husi bankada Fretilin Elizario Fereira iha tersa loron 15 maio 2007.

Branco hatutan iha instituisaun governu balu husi nasional no internasional, instituisaun non-governo no mos grupus observadores balu mak halo lobby kona-ba amandamento ne’e. Hanesan ezemplu: Misaun Observador ba Eleisaun husi Uniaun Europea rekomenda: “Lei Eleitoral tenki persiza halo amandamento atu bele hametin poder… ezemplu: ho fó penalte”.

Branco hato’o: "ami iha certeza katak lei ne’ebé mak halo ona amandamentu ne’e sei fo kastigo ne’ebe sufisiente hodi hamos ajitasaun no kampane foer, liu-liu husi media – area ne’ebé FRETILIN sai bei-beik vitima maibe la ho rekurso legal”.

Membru Parlamentu husi Partido Demokratiku no Partidu Sosial Demokratiku lao sai husi parlamento wainhira debate kona-ba amandamentu ne’e komesa, attitude ida ne’e hatudu katak sira laiha komitmentu atu pratika eleisaun demokratiku.

Amandamentu ne’ebe inklui selu penalte no tama komarka mak hanesan tuir mai ne’e:

  • Individu la haktuir obligasaun ne’ebé mak hatete iha lei;

  • Uza naran no simbolo partidu politiku seluk;

  • Hala’o nafatin aktividade kampane maske periodu kampane oficialmente liu ona;

  • Fan no consume alkul iha metru 100 besik fatin votasaun;

  • Abuzu poder hanesan fungsionariu publiku ka membro oficial governu ho objektivu atu fo limitasaun ba votantes sira husi sira nia direitu votos ka haruka votantes sira hili la tuir sira nia konsiensia maibe hili ba kandidatu ruma;

  • Ameasa emprego katak sei hasai tiha husi serviso ka sei fo kastigu ruma no sei la fo promosaun ba aportunidade servico nian ho objektivo fo influensia ba votantes atu vota tuir ema nia intensaun;

  • Ofrese, promesa ka fo serviso iha instituisaun privado ka publiko no fo vantazem ba votante ida ka barak diretamente ka indiretamente hodi fo influensia ba ema nia votus – no mos simu osan foer;

  • Sosa buletim votos;

  • Failansu husi xefi centru votasaun atu simu no prosesu queisas relasiona ho prosesu eleisaun;

  • Failansu husi Xefi Polisia atu atende centru votasaun bainhira ofisialmente atu hala’o nia kna’ar;

  • Husik hela no iha intensaun maibe iha akuzasaun husi ema seluk ba lei eleitoral;

  • Halo queisas ho maneira foer ka a’at no la bazeia ba autoridade eleitoral no la haktuir desizaun legal;

  • hodi armas iha fatin votasaun.


Atu hatene ta’an informasaun, dere arame bá:

Francisco Branco (+670) 723 7124

Jose Teixeira (+670) 728 7080







Sem comentários: