Komunikadu Imprensa - Governu FRETILIN ninia atividade iha área agrikultura

Vota ba FRETILIN!
Eleisaun Parlamentár 2007

"Defende indpendensia Timor-Leste nian"

Komunikadu inprensa
23 Juñu 2007

Governu FRETILIN ninia atividade iha área agrikultura

Governu FRETILIN nia atividade prinsipal iha area agrikultura ho
peskas mak aumenta produsaun hare nian, hari armazén ba fini,
rehabilitasaun eskola agrikultura nian.

Francisco Benevides, ne'ebé hala'o kna'ar nudar Ministru Agrikultura,
Florestas no Peskas, ne'ebé kandidatu ba deputadu hateten katak
governu FRETILIN hetan susesu tamba hari estrutura institusional ba
halo jestaun ba agrikultura, forestas no peskas hafoin restaurasaun
independénsia iha tinan 2002.

Benevides hato'o lista hirak tuir mai ne'ebe ministerio agrikultura,
forestra no peskas atinzi durante tinan lima nia laran deit:

1. Aumentu produsaun hare nian ho media 1.5 toneladas por hektare
to'o 2.2 toneladas por hektare. Ministériu lansa ona Programa
Integradu Jestaun Kulturas nian atu aumenta produtividade husi 2.2
toneladas por hectare to'o 3.5 toneladas por hectare. Programa ne'e
halao iha distritu Bobonaro no Baucau no benefisia agrikultor 172.
Karik iha susesu iha distritu rua ne'e, programa ne'e sei halao iha
Timor-Leste tomak.

2. Kuda variedade foun hare no bátar nian no kulturas sira seluk hodi
nune'e bele iha ai-han oi'oin no aumenta produsaun ai-han nian.

3. Hatun importasaun fos ne'ebé populsaun presiza hosi 2/3 ba 1/3
konsumo doméstiku.

4. Halao Fundu Dezenvolvimentu ba Komunidade iha sukus 442 ne'ebé
Governu fó ba populasaun USD $10.000, ba sira halao programas
dezenvolvimentu. Total osan ba Fundu Dezenvolvimentu Komunitáriu
hamutuk USD$4.7 milloens. Governu FRETILIN hakarak hatutan programa
ida ne'e ba tinan lima oin mai ne'e.

5. Kriasaun politika nasional compreensivo ba seguransa aihan no
hari celeiros 212 atu bele aumenta seguransa ai-han. Ministerio mos
ható informasaun ba to'os nain sira kona ba tempo ne'ebé mak diak liu
ba kuda hodi nune'e bele aumenta produsaun.

6. Criacao politica no strategia ba ministerio hodi hare ba aban
bairua ho mos futuro nian.

7. Iha tinan ida bele kuda dala rua iha fatin bar'barak, la'os dala
ida deit hanesan iha tempu indonézio. Fatin sira ne'e mak distritus
Manufahi, Manatuto no Bobonaro.

8. Hadia plantasaun ai-kameli no kuda fila fali ai kameli oan tamba
ema tesi ai-kameli barak iha tempu Indonésia . Timor-Leste nia ai
kameli ninia kualidade diak liu iha rai barak nian. Governu FRETILIN
foti ona medidas atu garante katak ita bele benefisia nafatin hosi
rekursu renovável ne'e ( iha bei'beik sé uza ho kuidadu).

9. Halo rejenerasaun plantasaun kafé nian, tamba iha Indonesia nia
tempo halo jestao sala,ne'e duni Ministério halo fila fali plantasaun
foun cafe nian iha Timor nia laran nebe kuda cafe.

10. Establese estrutura legal ba peskas, inklui mos estrutura
limitasoens no lisensa. Ministerio fo ona lisensa ba kompañia privadu
peskas nian 4 no iha tinan balu mai oin sei konvida kompañia bisnis,
inklui mos bisnis husi estranjeiru atu bele investe iha Timor-Leste.
Ministerio ne'e mos sei fo limitasaun balu ba lisensa no sei tau iha
konsiderasaun. Ministerio ne'e hato'o mos ninian hakarak ba
dezenvolvimentu sustanibilidade ba nianian rekursu maritimo.

11. Rehabilitasaun escola agrikula 3; iha Maliana – Bobonaro,
Natarbora – Manatuto no iha Fuiloro – Lautem. Escola sira ne'e hanorin
ba tinan tolu kona-ba agrikultura no iha equivante hanesan escola
sekundaria; iha ona estudantes 600. Eskola agrikula iha Natarbora no
Maliana hala'o husi ministerio, maybe eskola agrikula iha Fuiloro
maneja husi misaun katolika. Kurikulum nasional dezenvolve ona no
hetan asistensia husi Alemaña, Brazil, USA no Portugal. Ministerio
koko hela atu dezenvolve edukasaun Terceiro ano iha area agoibisnis no
animal husbandry.

12. Ministeriu ne'e rehabilita ona skema irrigasaun ba komunidade no
skala mediu ba skema irrigasaun ne'ebé kobertura besik 12,672 ha no
13,202 ha-(ha-hectares). Ministerio ne'e mos rehabilita ona
irrigasaun bo'ot iha Carau Ulun. distritu Manufahi ne'ebe ho
kobertura 1,030 ha. Iha tinan oin mai ne'e planu atu reahabilita
irrigasaun bo'ot balu iha Viqueque. Ministerio ne'e mos fo fundu ba
sistema irigasaun ki'ik ba komunidade iha Timor-Leste tomak.

13. Konstruksaun udan ben iha Acrema, illa Atauro atu aumenta
disponibilidade bé mos iha illa ne'e.

14. Halo vasinasaun annual inklui karau 300.000,manu 2.7 milliaun no
fahi 300.000.

15. Dezenvolve politika hodi uza pestisida, uza rai, sementes, habokur
rai, kuarentina no peskas.

16. Fokus ba area praktika no politika ba dezenvolvimentu ne'ebe iha
sustanibilidade.

17. Dezenvolve mina nu ho industria cami mina atu prepara produtu
hirak ne'e ba exportasaun. Tinan kotuk eksportasaun litru 100.000 husi
cami mina ba merkadu global.

18. Ministerio ne'e mos focus ba harii kapasidade. Ministerio ne'e
haruka ona estudante ba Australia hodi kompleta sira nia kursu iha
agribisnis, jestaun florestal, no sistema informasaun geografica. No
mos asina ona akordu Memorandu de Komprensaun ho Universidade rua iha
Indonezia: Institutu Agrikula iha Bogor no Universidade Brawijaya atu
haruka estudante sira ba kompleta sira nia kursu strata ida no mos
sira nia mestradu.

19. Kometimentu ne'ebé ba peskiza, dezenvolvimento no establese
estasaun peskiza iha distritu Manufahi, Aileu, Dili, Baucau, no
Bobonaro. Estasaun hirak ne'e focus atu halo teste adaptado ba
kolheitas ne'ebé oin-oin. Nia rezultadu mak, ministerio ne'e hasai ona
kolheitas oin-oin husi batar, foray, fos no fehuk midar.

20. Implementasaun husi survey rekursu maritime 5 milhas husi Dili
to'o illa Jaco. Estudu ne'e hala'o hamutuk ho Universidade Charles
Darwin, Universidade James Cook, Universidade Australian Marine
Science no mos Universidade Nasional Australia. Iha tinan finanseiru
foun ministerio ne'e planu atu halo estudu hanesan husi kosta Dili to
fronteira ho Timor Oeste, husi kosta illa Atauro to kosta enclave
Oecussi.

Hakarak hatene ta'an informasaun, bele dere arame ba:

José Teixeira (+670) 728 7080
www.timortruth.com, www.fretilin-rdtl.blogspot.com