Komunikadu Imprensa - FRETILIN husu atu hapara ho liafuan soron ema

FRENTE REVOLUCIONÁRIA DO TIMOR-LESTE INDEPENDENTE
FRETILIN

Komunikadu inprensa

5 Juñu 2007

FRETILIN husu atu hapara ho liafuan soron ema

FRETILIN, partido ida nebe horas ne daudaun iha maioria iha
Timor-Leste husu ba Partido CNRT atau hapara ho lia fuan non hahalok
nebe bele soron ema iha kampanhya ba eleisaun parlamentu nian nebe sei
halau iha loron 30 fulan Junhu.

FRETILIN rejeita alegasaun CNRT non Presidente Jose Ramos Horta nian
nebe hakarak atu fo todan ba FRETILIN iha kazu Afonsu Kudalai Guterres
nebe mate iha Domingu liu ba iha Distritu Viqueque.

Arsenio Banu, membru Comite Central FRETILIN non Comissao Politica
Nacional, hateten katak dalan nebe CNRT uza lorin fo sai deklrasaun
eskritu iha loron 4 horiseik ne bele prejudika prosesu judicial no
hamaten prosesu nebe lao hela hotu hametin justisa iha Timor-Leste.

Akusazaun CNRT nia ne laiha base ida, buka halu hafoer deit partidu
seluk nia naran no viola lei eleitoral nebe partidu hotu-hotu asina
tiha onan, Bano hatutan.
Ami mos sinte triste ho mate ne no ami apresenta ami nia kondolensias
familia sira. Timor oan se deit maka mate ne hanesan problema ida ke
seriu, maibe partidu politiku nebe iha estadu demokratiku nia laran
komesa hakotu lia hodi dehan katak ema nee, ma seluk maka oho
wainhira investigasaun non julgamentu ida ke justu seidauk halo ne
hatudu katak partidu ne laiha responsabilidade.

Bano hateten katak FRETILIN fo nia apoiu tomak ba desizaun atau hahu
investigasaun no promete katak sei fo apoiu ba prosesu ne atu bele
aplika lolos lei no jutisa.

Bano tatolin katak investigasaun presiza atu responde ba kestoens kona
ba insidente ne.

Bano husu, se karik membrus CNRT nian maka lorin kroat no kilat, se
nune karik, se maka fo kilat ba sira ? Se karik membrus CNRT balun
involve tiha onan iha aktus violensia non halu tauk ema iha Distritu
Viqueque ? Se karik ema hirak nebe involve ne iha historia konan ba
komflitus interese pesoal?

Ami mos la hatenen tamba sa maka ema nebe akompanha CNRT iha Viqueque
lorin kilat naruk hanesan ita hare iha Telivizaun. Sira ne polisia?
Buat hirak ne presiza investiga atu nune bele hatenen lolos lorin
esplika ba povu atu hapara informasaun nebe lalos.

Bano mos dehan katak horin wain kedas wainhira hahu kampanha maka CNRT
uza lia fuan no hahaluk nebe soron ema. Ni fo exemplu hanesan
situasaun nebe CNRT iha nia kampanha uza fail bandeira FRETILIN nian
no kolai nebe ataka direitamente lideres FRETILIN nain.

Ami apresenta ona ami nia reklamasaun ba CNE konan hahaolok nebe CNRT
uza fail bandeira FRETILIN nian no mos ami sei hare hela atu apresenta
keixa konan ba difamasaun wainhira Sr. Guterres mate, Bano aumenta.

Prezidente FRETILIN nian, Francisco Guterres Lu Olo mós responde ba
deklarasaun eskrita hosi Prezidente da Repúblika, Sr. José
Ramos-Horta, ne'ebé mosu kedan hafoin deklarasaun hosi CNRT.

"Ami bolu Sr. Prezidente atu tetu ninia liafuan bainhira halo
komentáriu kona-ba insidente sira ne'e.

Nu'udár xefe de estadu, Sr. Prezidente nia papél maka sai garantór ba
unidade nasionál ho independénsia. Nia mós iha obrigasaun atu hili
ninia liafuan ho kuidadu. Prezidente tenke promove rezolusaun ba kazu
sira ne'e liu hosi meius legais loloos.

"Tan lider nasionál balu iha tinan kotuk uza liafuan sira ne'e la tetu
maka destabiliza tiha situasaun ida delikada tebetebes no insita duni
violénsia."

Hakarak hatene tan informasaun, bele dere arame ba: Arsenio Bano on
(+670) 733 9416 (Dili)