Komunikadu Imprensa - Apoiantes FRETILIN hetan ataki iha Timor-Leste

FRENTE REVOLUCIONÁRIA DO TIMOR-LESTE INDEPENDENTE

FRETILIN

Komunikado imprensa

15 Maiu 2007

Apoiantes FRETILIN hetan ataki iha Timor-Leste

Membro partido FRETILIN ho nia apoiantes hetan ataki iha rai laran wainhira eleisaun remata no Jose Ramos Horta manan iha eleisaun ba Prezidente Republika Timor-Leste, hatutan Mari Alkatiri, Sekretariu Jeral FRETILIN, ohin.

Dr. Alkatiri iha informasaun detailu kona-ba ataki ba propriedadi no ba ema no mos indimidasaun ne’ebe mak akontese iha distritu ha’at.

“Iha membro FRETILIN nian balu mak hetan intimidasaun no sira nia uma hetan estragus ka sunu iha distrito Ermera no Liquica iha parte Dili Oeste, no mos akontese iha Distritu Oecussi-Timor Oeste no iha Baucau, iha loron hirak liu ba ne’e.

“Iha distrito Ermera ami nia membro mos hetan kanek, no hodi ona ba hospital – Dili hodi halo tratamento mediko”, katak Dr. Alkatiri.

Dr. Alkatiri hatutan katak atakas hirak kontra FRETILIN ne’e labele tolera no husu ba Forcas Policia Nasaun Unidas atu hala’o investigasaun nune’e sira ne’ebe mak komite iha krime tenki hodi ba justisa.

“Ami nia membrus no apoiantes sira kontinua sai vitima ba violensia”, katak Dr. Alkatiri. “Tamba sa mak Polisia ONU no Forsa Stabilizasaun Internasional la bele fo seguransa?”

“Akontesimento hirak ne’e komesa kedas iha krizi 2006, wainhira ami nia membrus no apoiantes sira sai hanesan target ho ojektivu atu estraga partido nia baze no hatun governu ne’ebe eleitu demokratiku”.

“Atakas hirak ne’e kontinua kontra membrus no apoiantes FRETILIN atu intimida sira liu-liu atu hasoru eleisaun parlementaria iha loron 30 fulan Junho 2007. Ida ne’e mak stratezia ne’ebe hanesan uza husi opozisaun wainhira atakas membrus no apoiantes FRETILIN nian durante eleisaun presidential”.

Alkatiri hatutan katak intimidasaun ne’ebe mak mosu iha distritu Liquica hala’o husi grupu ida no lidera husi ex membru militar Vicente da Conceicao (alias Railos) ne’ebe mak kordenador kampana Jose Ramos Horta durante eleisaun presidensial.

“Railos ho nia grupu halo intimidasaun ba ami nia votantes durante kampane eleisaun presidensial no sira kontinua halo nafatin ba eleisaun parlamentaria. Buat hirak ne’e tenki hapara”.

Railos hasai husi Forcas Armadas Timor-Leste (F-FDTL) iha tinan 2004 tamba halakon osan, no hetan rekomendasaun husi Komisaun Investigasaun Independente Especial Nasaun Unidos iha Outubro tinan 2006 atu hodi ba justisa tamba nia tiru mate ema balu iha fulan Maio 2006.

Iha faktus barak mak kontra Railos ba nia krimi, maibe to’o agora seidauk exekuta.

Hakarak hatene ta’an informasaun, bele dere arame ba:

Jose Teixeira (+670) 728 7080 (Dili, Timor-Leste)