FRENTE REVOLUCIONÁRIA DO TIMOR-LESTE INDEPENDENTE
FRETILIN
Komunikadu imprensa
2 Agostu 2007
Governu Inkluzaun Bo'ot mak bele halo ita nia rain rai hamaktek fila fali
FRETILIN, partidu ne'ebé manan eleisaun lejislativa 30 de Juñu nian, hatete katak só Governu Inkluzaun Bo'ot maka bele halo ita nia rain hakmatek fila fali ( hetan fila fali estabilidade). Partidu FRETILIN hatete katak formasaun Governu Inkluzaun Bo'ot hatudu eleitoradu ninia hakarak rasik tuir rezultadu eleisaun 2007 nian.
Sekretáriu Jeral FRETILIN nian, Dr. Alkatiri hatete: " FRETILIN fiar metin katak Governu Inkluzaun Bo'ot ne'ebé simu partidu politikus hotu-hotu ne'ebé iha asentu (kadeira) iha Parlamentu Nasional, maka sei halo ita nia rain hetan fila fali estabilidade. Se la iha estabilidade, la iha governu ida ke bele halao ninia kna'ar hó efisiénsia (funsional lolós).
"Ami (FRETILIN) mo'os hakarak husu partidus politikus hotu-hotu, ne'ebé la halo parte Parlamentu Nasional, partidu sira ne'ebé lakoi halo parte Governu, no grupus sosiedade sivil nian atu fó mo'os sira nia kontribuisaun ba programas dezenvolvimentu rai ida ne'e nian".
Dr. Alkatiri hatete, "Hanesan partidu ne'ebé manan votus barak liu iha eleisoens 30 de Juñu nian, ami iha direitu konstitusional ba hili Primeiru-Ministru no forma Governu. Maibé, rezultadus eleisoens hatudu katak ami tenki loke odomatan ba partidus politikus ne'ebé iha reprezentasaun iha Parlamentu Nasional".
"Posizaun ida ne'e mak reflekte povu Timor-Leste ninia hakarak rasik. Ne'e maka dalan ida ke diak liu ba ita nia rain bele haburas a'an iha tinan lima oin mai ne'e", Dr. Alkatiri hatutan.
Hakarak hatene ta'na informasaun bele dere arame ba:
Arsénio Bano, Vise-Prezidente FRETILIN no membru Komisaun Polítika Nasional FRETILIN nian, tel. 733 9416
José Reis, Sekretáriu-Jeral Adjuntu no membru Komisaun Polítika Nasional FRETILIN nian, tel 7340382,
Email: fretilin@gmail.com
Sem comentários:
Enviar um comentário