| Vota ba FRETILIN! “Defende Timor-Leste ninia independénsia”
|
7 Juñu 2007
Sidadania Timor-Leste nian la’ós para fa’an, FRETILIN hatete
Partido Democrático (PD) nia planu ida atu fa’an sidadania Timor-Leste nian ba ema estranjeiru sira sei rezulta iha Timor-oan barak lakon sira nia rai no mós rekursus naturais, FRETILIN fó avizu ida ohin.
Vise-sekretáriu jerál FRETILIN nian, José Manuel Fernandes ohin hatete katak “PD nia planu ne’e perigozu no halo divizaun”
“Medida atu atrai investimentu ne’ebé seguru no efetivu ne’e barak tebetebes no la presiza fa’an fali ita nia sidadania hanesan PD sira propoin.”
Fernandes komenta hela kona-ba PD nia polítika fiskál nebé hasai iha pájina 24 iha sira nia manifestu eleitorál ne’ebé dehan: “Timor-Leste ninia sidadania, sei konsidera ba ema husi rai liur nebé investe kapital osan husi US$200 miloens ba leten. Nune’e mos, iha nebé mak ema rai liur ruma investe kapital osan husi US$100 miloens ba leten, sei konsidera elijivel ba direitu atu aluga propriedade ho durasaun 40 anos”.
Fernandes dehan FRETILIN nunka fa’an sidadania Timor-Leste nian ba nein ema estranjeiru ida.
“Sai sidadaun Timor-Leste nian signifika katak ó iha orgullu atu identifika ó nia an ho Povu Maubere, ó iha orgullu ba nasaun ne’e nia konkista oioin, katak ó preparadu atu servisu maka’as ba nasaun boot Maubere ne’e nia di’ak,” nia dehan.
“Ita nia povu liu hosi esperiénsia ida ne’ebé aat liu kona-ba abuzu direitus humanus, ne’e para Povu Maubere bele loron ida goza hanesan sidadaun iha ninia rain rasik. Ha’u hatene esperiénsia sira ne’e tanba ha’u mós liu hosi tortura no terus barak núdar membru frente klandestina nian.
“Se sidadania ne’e maka bele sosa ho osan karik tentara Indonézia nian bele sosa mohu hotu Povu Maubere sira nia fuan ho laran. Ita bele haluhan tiha ita nia ukun rasik an.”
“Se PD maka iha podér karik, naran estranjeiru riku ida bele sosa ita nia nasaun nia sidadania hodi hetan direitu atu sosa hotu rai hosi Timor-oan tomak. Se ida ne’e maka ita husik liu, povu Timor-Leste tomak sei lakon kontrolu ba sira nia rain independente ne’ebé sira rasik manán ho raan no matan-been.
Atu hetan tan informasaun, favór kontakta ho:
Jose Manuel Fernandes (+670) 734 2174, Jose Teixeira (+670) 728 7080
Sem comentários:
Enviar um comentário