Vota ba FRETILIN! “Husi Povu, ho povu, ba povu”
|
1 Junu 2007
Ami hakarak justisa ba krime nebe kontra povo Maubere
FRETILIN ohin dehan katak partidu nee fo suporta ba halo justisa ba sira nebe komite krime hodi hasoru povo Maubere iha tempo entre 1975 to’o 1999.
Aniceto Guterres, kandidatu parlamentar FRETILIN nian, ohin dehan katak “FRETILIN fiar prosesu buka justisa tenke hahu ho investiagasaun didiak depois tama iha prosesu tribunal no fo sentensa. Direitus humanus no estadu lei importante teb-tebes ba ita nia demokrasia.”
Nia haktuir “FRETILIN maka institusaun mesak nebe defende nafatin direitu humanus no mos justisa ba vitima sira iha Timor-Leste.”
“FRETILIN maka insiste makaas hodi kria legislasaun Komisaun Akolhimentu, Verdade e Rekonsiliasaun (CAVR) no Komisaun Verdade e Amizade (CVA) nian para la bele fo amnestia ka imunidade ba sira nebe komite krime grave entre 1975 to’o 1999.”
Nia hatutan “atu fo amnestia laos kondisaun ida para hetan kooperasaun ba investigasaun. Atu fo amnestia maka hanesan xarve ida nebe bele utilisa iha situasaun nebe presisa. Exemplo ida mak hanesan bele fo amnestia atu buka lia los hodi hetan justisa no rekonsiliasaun.”
Guterres dehan katak CAVR no CVA mak hanesan buat ida nebe hahu uluk hodi hetan justisa. FRETILIN, liu husi debate iha parlamentariu, sei fo prioridade boot ba progresu tuir rekomendasaun husi relatoriu final “CHEGA!” husi CAVR.
“Prosesu buka justisa presisa duni iha ita nia nasaun tamba krime 1999 nian to’o agora sidauk resolve. Tamba nee mak sira nebe uluk involve iha militia pro-autonomia agora tur iha kadeira boot iha partidu politika no mos sai hanesan kandidatu ba eleisaun parlamentar tuir mai. Sira nee bele sai deputadu iha Parlamentu Nasional, orgaun soberania nebe maka kria lei iha Timor-Leste.”
“Partidu oposisaun sira tenke hare uluk ba sira nia uma laran molok hatete aat partidu sira seluk.”
Kona ba relasaun entre Timor-Leste no Indonesia, Guterres dehan katak, “Importante teb-tebes ba ita nia nasaun promove relasaun diak ho ita nia viziñu no FRETILIN sempre halo servisu ida nee. Maiba atu harii relasaun diak la bele haluha fali buka justisa ka halakon prosesu rekonsiliasaun. Se justisa la iha, ita la bele halao rekonsiliasaun ho ita nia viziñu.”
Guterres haktuir, “Bainhira FRETILIN koalia kona ba justisa, ami sei iha komitmentu boot hodi buka justisa, lia los no fo diak ba malu, depois mak ita bele tama iha prosesu reskonsiliasaun ba povo Timor-Leste nebe fo inspirasaun no sira maka tenke hetan dignidade liu husi prosesu justisa no estadu direitu.”
Ba hetan informasaun bele kontatu: Aniceto Guterres (+670) 723 8569, Jose Teixeira (+670) 332 2970, email fretilin.media@gmail.com
----------------------------------
Vota para a FRETILIN! “Do Povo, Com o Povo, Para o Povo”
|
1 Junho 2007
Queremos justiça contra os criminosos
A FRETILIN, o maior partido político de Timor-Leste, afirmou hoje que apoiava a investigação de todos os crimes cometidos contra o povo de Timor-Leste no período compreendido entre 1975 e 1999.
Aniceto Guterres, candidato da FRETILIN ao Parlamento Nacional, disse hoje em Dili que “ A FRETILIN tem defendido que a justiça passa necessariamente pela investigação dos crimes cometidos de forma a que os responsáveis respondam em tribunal pelos crimes de que são indiciados. Isto porque o respeito pelos direitos humanos e pelo primado da lei são aspectos basilares na cronstrução da nossa democracia.
Ele disse que a “FRETILIN é o único partido político que tem defendido com coerência o direito à justiça de todas as vítimas de violações de direitos humanos ocorridos em Timor-Leste.
Foi a FRETILIN que insistiu que a legislação que criou a Comissão para o Acolhimento, Verdade e Reconciliação (CAVR) a a Comissão para a Verdade e Amizade (CVA)não incluisse aministias nem garantisse a impunidade para aqueles que cometeram crimes graves entre 1975 e 1999.
Acrescentou “ a concessão da aministia não pode ser uma pré-condição para colaborar com a justiça. A amnestia é um instrumento para ser usado em determinadas circunstancias, como por exemplo, quando possa levar à descoberta da verdade material que é também essencial para que se alcance a justiça e a reconciliação.”
Guterres disse que a CAVR a CVA é apenas o começo da caminhada para alcançarmos a justiça. A FRETILIN vai dar a maior prioridade ao seguimento das recomendações contidas no “Chega”- relatório final da CAVR através do seu debate imediato no Parlamento.
A justiça é essencial para esta Nação porque mesmo os crimes que tiveram lugar em 1999 não foram convenientemente tratados. Isto teve como consequência, que pessoas envolvidas com as milícias pró-autonomistas agora figurem em posições de destaque em alguns partidos políticos ou são mesmo candidatos nas próximas eleições parlamentares, o que significa que podem ser eleitos para o Parlamento Nacional, o mais alto orgão legislativo de Timor-Leste.”
Aos partidos da oposição que gostam de apontar o dedo, alguns deviam primeiro ver-se ao espelho em vez de ver o agrelho no olho do vizinho.”
No tocante às relações de Timor-Leste com a Indonésia, Guterres disse: “ É importante promover boas relações de vizinhança com os nossos vizinhos e isso é algo que o governo da FRETILIN sempre procurou fazer. No entanto, isto não pode significar que o nosso País tenha de fazer coisas que no fim resultem na denegação da justiça ou negligência pelo processo de reconciliação.
Guterres disse “Quando a FRETILIN fala da Justiça não está a falar de cor, não está a falar em abstracto. Nós estamos empenhados na busca da Justiça e da Verdade, no sarar das feridas, que levarão o Povo de Timor-Leste à verdadeira reconciliação, nós somos um povo orgulhoso que merece ser tratado com a dignidade que só o primado da lei nos garante.”
Para mais informações, contacte: Aniceto Guterres (+670) 723 8569, Jose Teixeira (+670) 728 7080, fretilin.media@gmail.com
Sem comentários:
Enviar um comentário