"Defendendo a Independencia de Timor-Leste"

"Defendendo a Independencia de Timor-Leste"

terça-feira, 8 de abril de 2008

Komunikadu Imprensa: "Fretilin Husu PM de Facto Demite Jose Luis Guterres"

PARLAMENTU NASIONAL

BANCADA PARLAMENTAR FRETILIN

Comunicado Imprensa


"Fretilin Husu PM de Facto Demite Jose Luis Guterres"


Bancada Fretilin liu hosi Plenaria Parlamentu Nasional ejije ba Primeiru Ministru de Facto Xanana Gusmao hanesan Chefe do governu atu demite/hasai Jose Luis Guterres hosi governu i halo investigasaun ba kazu autorizasaun transferensia osan povu nian hodi aumenta nia kaben nia salario, hanesan diplomata iha Nova Yorke..

Deklarasaun Bancada Fretilin nian ne'e, hato'o hosi Deputada Ilda da Conceicao, Iha Plenaria Extraordinaria, Tersa Feira, (08/04), iha Uma Fukun Parlamentu Nasional.

"Iha fulan Fevereiru 2008 iha Uma Fukun Parlamentu Nasional, ami Bankada Fretilin aprezenta kazu kona ba Sr. Jose Luis Guterres bainhira nia sei kaer kargu Ministru Negosiu Estranjeirus, momentu ne'e nia fo autorizasaun ba finansas halo transferensia salariu ida ke aa's teb-tebes ba nia kaben nebe'e hala'o knar iha Embaixada TL nian iha Nova Yorke America, Bancada Fretilin konsidera kazu ne'e grave tamba ami hare'e katak involve abuzu de poder, korpusaun no nepotismu,"Tenik Ilda.

Tuir Deputada Ilda katak, bainhira Bankada Fretilin aprezenta kazu ne'e iha Fulan Fevereiru liu ba, Senhores Deputadus sira hatete katak tengki aprezenta evidensias no provas, ne'e duni ohin ami hakarak hato'o provas nebe'e Sr. Jose Luis nia kaben rasik hakerek liu hosi email, hanesan tuir mai ne'e


"
As transfências feitas para a minha conta pessoal pelo Ministério das Finanças foram até agora respectivamente $ 10,673.33 no dia 24 de Novembro (referente ao primeiro trimester) 2006, $ 8,005.00 no dia 11 de Janeiro (referente ao segundo trimester) e 18,667.14 no dia 11 de Abril, (referente ao terceiro trimester) isto poder-se-á certamente comprovar no Ministério das Finanças. Vim só a saber na altura da verificação que por Lei, mesmo que eu possua passaporte Diplomatico Timorense, não me é dado o direito de cidadania por não ter vivido em Timor no minímo 8 anos. Por essa razão não poderia ser classificada Diplomata para efeitos de contracto nem benefícios."

"Sr. José Luis Guterres, núdar Ministru dos Negosios Estranjeirus, hatene katak nia kabem, nudar ema estranjeiru, labele hetan estatutu núdar diplomata iha Embaixada Timor-Leste nian, iha Nova Yorke. Tamba sá nia foti desizaun ida ne'e? Ne'e la'os kazu abuzu de poder, korupsaun no nepotismu?

Ami mos hatene katak Sr. Jose Luis Guterres nia kaben , uza osan ne'e hodi sosa mos Grand Piano, pianu bo'ot ida ba sira nia uma iha Amerika,"Tenik Deputada Ilda

Deputada Ilda esplika liu tan katak, Governu liderado husi Sua Exsia Sr. Jose Alexandre Gusmao hatene kona ba asuntu ida ne'e, maibe to'o agora, la halo buat ida. Tan sa'a? Ida ne'e hatudu katak governasaun ida ne'e laiha transparensia no integridade. Hatudu momos katak bo'ot sira, iha governu, hakarak taka falta ba malu deit.

Ami. Bankada FRETILIN husu ba Mesa PN atu hato'o ba Governu kazu Sr Jose Luis Guterres nian, maibe to'o ohin loron, ami sei dauk hatene buat ida.

Dala ida tan ami eziji ba S. E. Sr Jose Alexandre Gusmão hanesan Xefe do Governo atu demite/hasai Sr. Jose Luis Guterres husi Governu i halo investigasaun ba kazu autorizasaun transferencia osan povu nian hodi aumenta nia kabem nia salario, hanesan diplomata, iha Nova York

Atu hetan informasaun

Bele kontaktu no hp:+670 7340389-7383872